Abdurahmonov oxirgi 3 mavsumni Samarqandning "Dinamo" klubida o'tkazgan edi. U "arslonlar" tarkibida 57 o'yinda qatnashib, 12 ta gol urgan va 5 ta golli pas uzatgan.
Shuningdek, u O'zbekiston olimpiya terma jamoasi safida 4 ta bahsda ishtirok etib, 1 ta to'p kiritgan hamda 1 ta golga assistentlik qilgan.
Abdurahmonov Pro liganing 2021 yilgi mavsumida 18 o'yinda 8 ta gol urib, 3 ta golli pas bergan va munosib ravishda "Dinamo"ning 2021 yildagi eng yaxshi o'yinchisi deb topilgan. Transfermarkt portali uni 300 ming evroga baholagan.
Eslatib o'tamiz, "Energetik-BGU" safida o'zbekistonlik mahoratli hujumchi Bobir Abdixoliqov ham to'p tepib kelmoqda.
