«Динамо» (U-17) Япония клубига қарши ўртоқлик ўйини ўтказди

Кутилганидек ўйин юқори даражада ташкил этилди. Ўйиндан олдин минглаб мухлислар қаршисида Самарқанд шаҳар ҳокими Фурқат Раҳимов ва «Динамо» клуби раҳбарлари Япониядан келган делегация раҳбарларига ҳурмат кўрсатиб, миллий либосларимизни совға қилишди.

Ўйин шиддатли бошланиб, «Динамо» академияси тарбияланувчилари дастлабки таймдаёқ ҳисобни 2:0 га етказди.

Иккинчи бўлимда эса меҳмонлар ҳужумкор тўп суриб, дастлаб мувозанатни тиклашди. Кейин эса қарши ҳужумларда ғалабани илиб кетишди, 2:4.

Дўстона тарзда кечган ўйиндан кейин Япония клуби аъзолари мезбонлик учун миннатдорчилик билдириб, японча таъзим билан ҳурмат кўрсатишди.

3 апрель (чоршанба)
Ўртоқлик учрашуви.
«Динамо» (U-17) - "Ванфоре Кофу" (Япония) - 2:4
Голлар: Диёр Бозоров 14, Авазбек Отахонов 42 - Йошида 66, Хоно 68, Накамура 78, 87.