UZ

Сўнгги янгиликлар

00:41Левченко: "Пахтакор" нима қилди? Фақат ҳимояланди-ку"  6 00:34Бундеслига. "Бавария" "Гамбург" дарвозасига жавобсиз 5 та гол урди, мюнхенликлар дастлабки 4 та тўпни 29 дақиқа ичида киритишди  0 00:00Туркия Суперлигаси. Истанбул дербисида "Бешиктош" "Истанбул Башакшехир"ни мағлуб этди, Шомуродов янги клубидаги дебют голини урди!   34 23:27АПЛ. "Тоттенхэм" Лондон дербисида "Вест Хэм"ни йирик ҳисобда мағлуб этди  0 23:14А Серия. "Ювентус" ва "Интер" ўртасидаги ўйинда 7 та гол урилди  23 23:00Эрон Про лигаси. "Персеполис" ва "Фулад" ўртасидаги ўйинда ғолиб номи аниқланмади  3 22:13"Эвертон" Жек Грилиш бўйича қарор қабул қилди  1 21:26Ла Лига. "Реал Мадрид" қийин ўйинда "Реал Сосьедад"ни мағлуб этди, мадридликлар 32-дақиқада ўн киши бўлиб қолишди  52 21:06Суперлига. Бир киши кам бўлиб қолган "Пахтакор" "Нефтчи"ни мағлуб этди  221 20:00"Қўқон-1912" "Қизилқум"нинг мағлубиятсиз сериясига чек қўйди  11 19:17АПЛ. "Арсенал" ўз уйида "Ноттингем Форест"ни йирик ҳисобда таслим этди, Субимендидан дубль!  21 16:57Пепе Ла Лигада ойнинг энг яхши футболчиси деб топилди. "Вильярреал" форварди Ямал ва Мбаппени ортда қолдирди  0 16:28"Манчестер Сити" "Барселона" ярим ҳимоячисини нишонга олди  2 15:19ЎзЭл Классикосига превью  15 14:54"Истанбул Башакшехир"нинг янги бош мураббийи маълум  6

«Динамо» - «Навбаҳор»: Устунлик ким томонда? Янгиликлар

«Динамо» - «Навбаҳор»: Устунлик ким томонда?

Теглар :  НавбаҳорДинамо
Суперлига 6-тури доирасидаги эътиборли қарама-қаршилик Самарқандда ўтади.

Ҳозирда турнир жадвалида ёнма-ён бораётган азалий рақиблар «Динамо» ва «Навбаҳор» жамоалари ўзаро саф тортишади. Ушбу баҳс Самарқанд ва Наманган клублари ўртасидаги 47-учрашув сифатида тарихга киради.

Суперлига. 6-тур.
26 апрель (жума)
“ДИНАМО” – “НАВБАҲОР”
Ўйин бошланиш вақти:
17:30
Чипта нархи: 10 000 cўм.
ТВ-трансляция: «Спорт» ТВ (жонли эфир)
Шарҳловчи: Хайрулла Ҳамидов.

ЖОРИЙ МАВСУМДА…
Янги мавсум олдидан Даврон Файзиев бошчилигидаги “Динамо” тайёргарликни Тошкентда олиб борган бўлса, Андрей Канчельскис қўл остидаги “Навбаҳор” якуний йиғинни хорижда ўтказди.

“Динамо” Суперлиганинг 5-туридан сўнг 1 та дуранг, 2 ғалаба, 2 мағлубият билан 7 очко билан 7-ўринни банд этган бўлса, “Навбаҳор” ҳам худди шундай натижа билан 7 очко жамғариб, голлар нисбатига кўра “Динамо”дан бир поғона юқори 6-ўринда кетмоқда. 6-турдаги “Динамо” – “Навбаҳор” учрашувидаги ғалаба жамоалардан бирини янада юқорилашига сабаб бўлади.



“Динамо”нинг ўтказган ўйинлари:

1-тур. “Динамо” – “Насаф” – 1:1
2-тур. “Сурхон” – “Динамо” – 1:0
3-тур. “Динамо” – “Металлург” – 2:1
4-тур. “Динамо” – “Сўғдиёна” – 1:0
5-тур. “Пахтакор” – “Динамо” – 2:0

“Навбаҳор”нинг ўтказган ўйинлари:

1-тур. “Навбаҳор” – “Қўқон-1912” – 1:1
2-тур. “Локомотив” – “Навбаҳор” – 1:0
3-тур. “Навбаҳор” – “Бунёдкор” – 2:3
4-тур. “Насаф” – “Навбаҳор” – 0:1
5-тур. “Навбаҳор” – “Сурхон” – 3:0

ЎЗАРО ЎЙИНЛАР ТАРИХИ
Самарқанд ва Наманган жамоалари 1992 йилдан буён Олий Лига тарихида 46 маротаба рўбарў келишган. Статистика водий жамоасининг фойдасига «гапирмоқда»: 25 та ўйинда «Навбаҳор» ғалабани тантана қилган, 8 баҳс муроса йўли билан интиҳо топган, 13 марта эса «Динамо» ғолиб сифатида майдонни тарк этган.

Тўплар нисбати бўйича ҳам «тош» “Навбаҳор” томонини босмоқда: 82:41. Ўтказилган 46 ўйин якунида «Навбаҳор» 83 очкога эга чиққан бўлса, «Динамо» 47 очкони ўз ҳисобига ёзиб қўйган.

Ўзаро ўйинларда наманганликларнинг энг йирик ғалабаси 7:1, «Динамо»да эса бу кўрсаткич – 2:0 га тенг.

Самарқандда бўлиб ўтган сўнгги олти учрашув:
31.03.2017 «Динамо» - «Навбаҳор» 0:1
23.09.2015 «Динамо» - «Навбаҳор» 2:1
21.06.2014 «Динамо» - «Навбаҳор» 2:0
31.05.2013 «Динамо» - «Навбаҳор» 1:1
14.09.2012 «Динамо» - «Навбаҳор» 2:0
02.04.2011 «Динамо» - «Навбаҳор» 0:1



ЭСКИ ТАНИШЛАР…
Жорий йилда «Навбаҳор» сафида «Динамо»нинг бир қатор собиқ футболчилари тўп суришмоқда. Шу жумладан «Динамо»да ҳам.
Хусусан, айни дамда “Навбаҳор” сафида тўп сураётганлардан, Баҳодир Насимов “Динамо” тарбияланувчиси саналиб, 2003-2010 йилларда, Азиз Ибрагимов 2015 йилда ва яримҳимоячи Абдужамол Исроилов 2017 йилда айнан “Динамо” сафида Олий Лигада дебютини ўтказган.
Ҳозирда “Динамо” сафида тўп сураётган дарвозабон Ботирали Эргашев 2018 йилда, ҳимоячи Акмал Холмуродов эса 2010-11 йилларда “Навбаҳор” шарафини ҳимоя қилган.

Қолаверса, "Динамо" бош менежери Илҳом Шарипов ўз вақтида "Динамо"дан ташқари "Навбаҳор" клубида ҳам муваффақиятли тўп сурган.

РЕКОРД ЁДИНГИЗДАМИ?

2017 йилги “Динамо” – “Навбаҳор” (0:1) ўртасидаги ўзаро сўнгги учрашувда Самарқандда рекорд қайд этилганди. Ўшанда “Динамо” 3-турда “Пахтакор”ни сафарда мағлуб этиб, 1-ўринга кўтарилгач, 4-турдаги “Динамо” – “Навбаҳор” ўйинида стадион ўйин бошланишига 1 соат вақт қолганда 13 мингдан ортиқ мухлис билан лиқ тўлган, ўйингоҳ ташқарисида 4 мингдан ортиқ мухлис қолиб кетганди. Бу яқин 10 йилликдаги рекорд ташриф эди.

Бу сафарги “Динамо” – “Навбаҳор” учрашуви ҳам мухлисларда катта қизиқиш уйғотмоқда. Барчани 26 апрель куни соат 17:30да «Динамо» стадионига таклиф этамиз!


«Динамо» клуби матбуот хизмати.

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика