"Динамо" футболчилари терма жамоадан таклиф олишди

Хабарингиз бор, Осиё чемпионатининг саралаш баҳсларига тайёргарлик кўраётган 22 ёшгача бўлган терма жамоамиз тараддуд доирасида 5-7 май кунлари Тошкентда ўқув-машғулот йиғинини бошлайди. Ушбу йиғинга «Динамо» жамоасининг икки футболчиси – ярим ҳимоячи Комил Шарофутдинов ва ҳужумчи Абдулла Набиевлар таклиф олишди.

Эслатиб ўтамиз, сўнгги турда Самарқандда бўлиб ўтган «Динамо» - «Пахтакор» учрашувини ушбу терма жамоа бош мураббийи Шухрат Мақсудов кузатиб борган эди.