Диего Марадона: “Қозоғистондан ҳам таклиф олгандим”
15 май 2017 22:41
Янгиликлар

Диего Марадона: “Қозоғистондан ҳам таклиф олгандим”

Аргентиналик футбол афсонаси Диего Армандо Марадона Қозоғистон ва Россия клубларидан ҳам таклиф олганлигини маълум қилди.

Хабарингиз бор, яқинда Марадона БАА иккинчи дивизиони клуби “Ал-Фужайра”ни қабул қилиб олганди.

“Мен Қозоғистон, Россия ва бошқа бир нечта давлат клубларидан таклифлар олдим. Аммо, энди буни муҳокама қилишдан фойда йўқ. Ҳозир фикру ҳаёлим “Ал-Фужайра”да.

Ишга жиддий киришдим. Аввал ҳам айтганман ва яна такрорлайман, менга БААда яшаш ёқади. Бу дунёнинг энг яхши жойи ва БААни ҳеч қачон тарк этмайман”, — деди Марадона Khaleej Times нашрига берган интервьюсида.