Диего Коста: "Мавсум бошида менда ортиқча вазн бор эди"

"Ўтган мавсум охирида жароҳатим бор эди, кейин эса танаффус бўлди. Менимча диетадан чиқиб кетдим, клубга қайтганимда эса оптимал ҳолатда эмас эдим. Нормадан бироз оғирроқлигим маълум бўлди ва бу ўйинимга таъсир қилди.

Мавсумнинг омадсиз бошланишига сабаб қидирсак кўпчилик мураббийни айблаши мумкин, аммо мен бундай қилмайман. Футболчилар ўйин натижаси учун жавоб беради. Янги мавсум олдингисининг давоми бўлади деб ўйлаган эдик. Энди тер тўкиб ишлашимиз керак.

Миллион футболчилардан сўранг, улар ўзи хоҳлаган мураббийлари учлигига Моуриньо, Гвардиола ва Симеонени киритган бўлар эди. "Челси"га ўтганимнинг сабаби ҳам шунда. Моуриньо футболчиларга кучлироқ бўлиш учун ёрдам беради" - дейди футболчи.