Диего Коста машғулотлардан бош тортди

Нашр хабарига кўра,  30 ёшли ҳужумчининг соғлиғи билан боғлиқ ҳеч қандай муаммоси йўқ. Пайшанба куни эрталаб у клуб базасига келган, аммо жамоадошлари билан машғулот ўтказмасдан, қароргоҳни тарк этган. Тахминларга кўра, клуб раҳбариятининг футболчини жаримага тортиши Костани ғазабини қўзғаган.

Кеча футболчи дисквалификацияси боис клуб раҳбарияти унга нисбатан жарима қўллаши ҳақида огоҳлантирилган. “Атлетико” раҳбарияти Костанинг “Барселона”га қарши баҳсда ҳакамни ҳақоратлагани клуб имиджига ҳам жиддий путур етказилган деб ҳисобламоқда.

Жорий мавсумда Коста “Атлетико” таркибида 21 та учрашувда майдонга тушиб, 5 та гол урди ва 3 та голли узатмани амалга оширди.