Франция терма жамоаси бош мураббийи Дидье Дешам терма жамоада ундан кейин ишлаши мумкин бўлган номзод кимлигини айтди. Унга кўра, эртами-кечми у "Реал"нинг ҳозирги устози Зинедин Зидан бўлади.
"Франция миллий терма жамоаси мураббийи Зизу бўлиши мумкин. Қандай бўлмасин, бу қачондир содир бўлади. Мураббийлар учун ёш чекловлари йўқ. Мураббий - бу натижалар дегани, сиз учун охирги бўлиши мумкин бўлган натижалар", - дейди Дешам.
Эслатиб ўтамиз, Дешам 2012 йилдан бери Франция бош жамоасига мураббийлик қилиб келмоқда.
