“Денов” - Сурхондарё вилояти чемпиони

Сурхондарё вилояти биринчилигида жами 14 та жамоа икки гуруҳга бўлинган ҳолда, вилоят чемпионлиги учун кураш олиб боришди.

17 ноябрь санасида биринчи босқичда ҳар икки гуруҳда иккитадан юқори ўринларни қўлга киритган  “ТерДУ”(Термиз), "Динамо" (Термиз), "Денов" (Денов), "Шўрчи" (Шўрчи) жамоалар навбатдаги  финал йўлланмаси ҳуқуқини берувчи баҳс учун ўзора куч синашишган эди.  

Унда “ТерДУ”ва “Денов” жамоалари финал йул олишди.

Кеча финал учрашуви Денов туманинг “Денов” марказий стадионида кечди.

Таькидлаш лозимки, мазкур баҳс қизиқарли курашларга бой тарзда бўлиб ўтди. “Денов” жамоаси ўз майдонида “ТерДУ”жамоасига ҳеч қандай имконият қолдирмади. “Денов” жамоаси  голеадори  Ҳасан Тошбадалов рақиблар дарвозаси 3та тўп киритиб мавсумдаги иккинчи хет-трик муаллифига айланди.  Жамоанинг яна бир ҳужумчиси Фирдавс Камолов термизликлар дарвозасига тўртинчи тўпни киритди.  

Шу тариқа Мадижон Бадалов бошчилигидаги  деновлик футболчилар “ТерДУ” устидан йирик 4:0 ҳисобда ғалаба қозонишди ва улар Сурхондарё вилояти чемпиони деган шарафли номга сазавор  бўлишди.

Сурхондарё вилояти биринчилигида уч жамоа қўйидаги куринишда ғолибликни қўлга киритишди.
1-ўрин “Денов”(Денов)
2-ўрин “ТерДУ”(Термиз)
3-ўрин “Динамо”(Термиз)

“Денов”жамоаси ҳужумчи Ҳасан Тошбадалов мавсумда рақиблар дарвозасига 20 та тўп киритиб, мавсум тўп урари бўлди.

Шу ойнинг охириги санасида Сурхондарё вилоят футбол федерацияси томонидан “Сурхондарё супер кубоги”  учрашуви бўлиб ўтади. Унда вилоят чемпиони “Денов”жамоаси Термизнинг “Динамо” жамоасига қарши қарши майдонга чиқишади.

Ушбу учрашувдан сўнг, вилоят футбол федерацияси томонидан мавсум савриндорларини тақдирлаш маросими ўтказилади.

Фаҳриддин Чориев.