Денис Коростиченко: "Зомин" учрашувга яхши тайёргарлик кўргани сезилди"

- Ўйин ҳақида

- Юқори даражадаги баҳс бўлди. "Зомин" учрашувга яхши тайёргарлик кўргани сезилди. Биринчи бўлимда кўплаб имкониятларни йўққа чиқардик. Ўйин сўнгида гол ўтказиб, ютқазиб қўйишимиз ҳам мумкин эди.

- "Локомотив" футболчилари диққат-эътиборни йўқотиб қўйишдими?

- Ҳа, балки диққат-эътиборни йўқотишди, балки рақибни менсишмади. Лекин биз "Зомин"ни батафсил ўрганиб чиқиб, йигитлар билан мулоқот қилиб, яхши тайёргарлик олиб боргандик. Бироқ ўйинда голга олиб келувчи хатоларга йўл қўйдик. Ҳаммасини кейинроқ кўриб чиқамиз.

- "Зомин"нинг биринчи голини урган Дониёр Усмонов йил бошида "Локомотив" йиғинида қатнашганди, сиз уни таркибга жалб этмагандингиз. Голдан сўнг ўша қарорингиздан афсусландингизми?

-  Йўқ, афсусланмадим. Дониёр Усмонов йиғинимизда қатнашганди, аммо ҳужумчи бизга тўғри келмаганди. Бугун гол урди, ёрқин ўйин кўрсатди. Табриклайман ва кейинги баҳсларида омад тилайман.

- Жамоа ўтган йилга қараганда чиройли ўйин кўрсатмоқда. Аммо кўп вазиятлар кўкка совуриляпти. Ёзги трансфер ойнасида таркибга кучли ҳужумчи таклиф қилишни ўйлаяпсизми?

-  Янада қизиқарли ўйин кўрсатиш ниятидамиз. Олдин ҳам айтганимдек, таркибга яхш ҳужумчи қўшиб олишни истагандик, бироқ муносибини топа олмадик. Биз ёш ҳужумчилар билан тўп тепяпмиз, уларга имконият тақдим этяпмиз. Улар таржриба тўплаб, кучайиб боришади деган умиддаман.