Денис Коростиченко: "Йигитлар ҳаракат қилишмоқда"

- Ўйин ҳақида

- Илк навбатда "Нефтчи"ни ғалаба билан табриклайман. Ўйин курашларга бой бўлди. Ўз навбатида, йигитларимиз курашларда бироз ютқазишди. Лекин хатоларимиз голларга олиб келди. Йигитларни танқид қила олмайман, лекин бугунги ўйин нисбатан ёмон бўлди. Биз бу борада таҳлил қиламиз. Олдинда танаффус бор. Умуман олганда, ўйин қизиқ бўлди. Бугун йигитлар биринчи бўлимда кутилган ўйинни кўрсата олишмади. Иккинчи таймда ўйинимиз бироз яхшиланди. 

- "Олимпик"да кўп футболчилар кетишди. Янги футболчилар аввалгилари каби темпни ушлай олишадими?

- "Олимпик"ни тарк этган йигитларнинг кўпи катта жамоаларга ўтишди. Бундай футболчиларнинг ўрнини қисқа муддатда тўлдириш қийин. Ҳозирги йигитлар билан биз охиригача курашамиз. Уларда иштиёқ бор. Албатта барча бир хил даражада ўйнай олмайди. Очко олмаган бўлсак-да, етакчилар билан яхши ўйнай олишяпти. Улар ҳаракат қилишмоқда. Кетганларнинг ўрнини алмаштириш қийин. Деярли барча жамоадан кетди.