Денис Коростиченко: "Дурангга лойиқ баҳс бўлди"
07 апр 2022 21:10
Янгиликлар

Денис Коростиченко: "Дурангга лойиқ баҳс бўлди"

Ўзбекистон Кубоги 1-туридан ўрин олган АГМК – "Локомотив" (1:1) учрашувидан сўнг "темирйўлчилар" бош мураббийи Денис Коростиченко фикрларини билдирди.

- Ўйин ҳақида

- Яқинда АГМК билан ўйнагандик, шундай бўлдики, Кубокда ҳам рўбарў келиб қолдик. Яхши тайёргарлик олиб боргандик.

Қийин ўйин бўлди. Ҳар икки жамоада етарлича вазиятлар юзага келди. Умуман олганда, дурангга лойиқ баҳс бўлди.

- "Локомотив" бугун 1 очкога эга чиқдими ёки 2 очко йўқотдими?

- Ўйлашимча, 3 очко йўқотдик. Ғалаба қозонишимиз мумкин эди.

- Игорь Чикризов ва Муҳаммаданас Ҳасановнинг ўйинига қандай баҳо берасиз?

- Ҳамма ўйинчилар яхши ўйин кўрсатишди. Жумладан, Игорь ва Муҳаммаданас ҳам. Барча футболчиларимизга раҳмат. Бундан ташқари, муххлисларга, раҳбариятга миннатдорлик билдираман.

- Бугун таркибда ротацияга қўл урдингизми ёки рақобатдан келиб чиқиб шундай таркибни майдонга туширдингизми?

- Хабарингиз бор, охирги ўйинда икки футболчимиз – Алишер Салимов ва Ғуломҳайдар Ғуломов жароҳат олиб, сафдан чиқди. Шифокорларнинг хулосасига кўра, улар 2 ҳафта давомида бизга ёрдам бера олишмайди. Шу боис бугун шу таркибдан фойдаландик. Секин-аста ёш футболчиларга ҳам имконият тақдим этамиз. Кубок ўйинлари ҳам айни муддао бўлди.

Ҳавола :

Манба : championat.asia

Янгиликларни Телеграмда ўқинг!

Рейтинг: +3