Денис Коростиченко четлатиш, дарвозабон хатоси ва "Шўртан" билан ўйин ҳақида гапирди

"Илк навбатда, "Сурхон"ни ғалаба билан табриклайман. Улар учун хеч нарсани ҳал қилмайдиган ўйин бўлса-да, мотивация билан майдонга тушишди ва ғалабага эришишди.

Бизда эса дарвозабоннинг хатоси ва четлатиш ўз сўзини айтди. Шунингдек, "Сурхон" ўз имкониятларидан фойдаланди. Улар янада кўпроқ гол уришлари мумкин эди", – деди Коростиченко.

- Энди "Олимпик" "Шўртан" билан ўйнайди. Суперлигада сўнгги ўринларни банд этган жамоадан кўра Про лигада юқори ўринни эгаллаган жамоада кайфият ва мотивация яхшироқ. "Олимпик"да бу борада вазият қандай? 

-Тушунарлики, ҳозир бу борада вазият қийин. Йигитларда кайфият тушиб кетган. Энди "Шўртан"га борамиз. Уларда мотивация кўпроқ. Бизда баъзи муаммолар бор, четлатишлар ҳам мавжуд. Жароҳатлар ҳам кўпайиб кетди. Икки кун қолди ва биз йигитлар билан гаплашиб, рухий томонлама яхши тайёргарлик кўрамиз. Вазият ҳақиқатан ҳам осон эмас. Барча ўйинда уларни рухлантирувчи сўз топишга ҳаракат қиламиз. Кўрамиз, бизда яна икки кун бор ва кейин "Шўртан" билан ўйинга отланамиз.