Денис Коростиченко: "Бундай мағлубият шахсан мен учун оғир зарба ҳисобланади"
11 май 2022 22:22
Янгиликлар

Денис Коростиченко: "Бундай мағлубият шахсан мен учун оғир зарба ҳисобланади"

Теглар : Локомотив Қўқон-1912

Суперлиганинг 8-туридан ўрин олган "Локомотив" - "Қўқон 1912" (1:2) учрашувидан сўнг матбуот анжуманида мезбонлар бош мураббийи Денис Коростиченко иштирок этди.

"Бундай мағлубиятни қабул қилиш осон эмас. Шахсан мен учун оғир зарба. Очиғи мағлубиятга лойиқ ўйин кўрсатмадик. Сўнгги дақиқаларда эса концентрацияни йўқотдик. Рақиб эса фойдаланиб кетди. Уларни ғалаба билан табриелайман",- дейди Денис Коростиченко.

- Статистика ҳам айтиб турибди, рақиб дарвозасига 11та зарба йўлланди. Тўп назорати ҳам "Локомотив"да эди. Лекин шундай ўйинларда гол урадиган ҳужумчи етишмаяпти. Ёзги трансфер ойнасида сифатли форвард жалб қилиш зарур. Акс ҳолда яна шундай ҳолат бўлаверади...

- Фикрингизга қўшиламан. Ҳозирда таркибимизда ҳужумчи кам. Захирамиз тор. Али Абдурахмоновни туширяпмиз. У билан "Нефтчи"га қарши ўйиндан кейин гаплашиб олгандик. Чунки масъулиятни бўйнига олиб тушмоқда. Руҳий жиҳатдан бундай баҳсларга секин-аста тайёрлаб бориш керак, деб ўйлайман. Балки ёзда яхши ҳужумчи қидирармиз. Ишлашда давом этамиз. Бизни қўллаб - қувватлаган мухлисларга миннатдорчилик билдираман.

Ҳавола :

Манба : championat.asia

Янгиликларни Телеграмда ўқинг!

Рейтинг: +1