Денис Коростиченко: "Биз жуда ёмон ўйнадик. Барча айб менда"

- Босимга бой ўйин бўлди. Илк дақиқаларданоқ икки жамоа ҳам вазиятлар яратишга киришди. Нима дейишим мумкин, биз жуда ёмон ўйнадик. Бу тўлиқ менинг айбим. Нимадир дейиш қийин. "Динамо"ни мавсумдаги илк ғалаба билан табриклайман. 

- Футболчиларнинг биринчи бўлимдан кейин чарчаб қолгани нима билан боғлиқ?

- Ҳозир рамазон ойи бўлишига қарамай футболчилар билан тиғиз график остида машғулотлар олиб боряпмиз. Таркибдаги футболчиларнинг катта қисми рўза тутмоқда. Балки шунинг ҳам таъсири бордир. Бироқ бу ҳақида гапириш ноўрин.

- Чемпионатда 4-5 тур ўтди. Аммо "Локомотив" фақатгина бир ғалабага эришди.

- Албатта, бу клубни ҳам, мени ҳам кайфиятимизни туширмоқда. Биз яхшироқ ўйнаб, кўпроқ очколар олишимизни кутгандик. Ҳали олдинда ўйинлар кўп.

- Ғулом-Ҳайдар Гулямовнинг жароҳати ҳақида нима дейсиз?

- У навбатдаги ўйинга таркибга қайтишини кутяпмиз.