Дель Боске: "Испан клубларининг ЧЛ ва ЕЛ финалларидаги иштироки терма жамоа режаларини бузиб юборди"

Aslanov Jasurbek

14 май 2016, 17:12

Испания терма жамоаси бош мураббийи Висенте дель Боскенинг сўзларига кўра, "Реал" ва "Атлетико"нинг Чемпионлар лигаси финалидаги иштироки ҳамда "Севилья"нинг "Ливерпуль" билан Европа лигаси финалида ўйнаши миллий жамоага ҳалақит бермоқда.

"Уч испан клубларининг еврокубоклар финалларидаги иштироки терма жамоа режаларини бузиб юборди. Бу баҳсларда терма жамоага номзод бўлган 17 футболчи иштирок этади. Мен кўрсатилган муддатда рўйхатни эълон қилишга мажбурман, аммо ҳозирги ҳолатда буни амалга ошириши қийинроқ бўлади" - дейди дель Боске.