Де Хеа "Манчестер Юнайтед"га қайтиши мумкин
17 авг 2025 14:41
Янгиликлар

Де Хеа "Манчестер Юнайтед"га қайтиши мумкин

"Манчестер Юнайтед" дарвозабон Андре Онананинг клубдаги келажаги ноаниқлиги фонида дарвозабон Давид де Хеани жамоага қайтариш имкониятини кўриб чиқмоқда.

2023 йилда де Хеа клубдаги ўн икки мавсумдан сўнг МЮни тарк этди. У бир йил давомида эркин агент сифатида қолди ва 2024 йилнинг ёзида "Фиорентина"га ўтди. Қайд этилишича, "Манчестер Юнайтед" ва "Фиорентина" (1:1) ўртасидаги мавсумолди ўртоқлик ўйинида дарвозабоннинг ажойиб ўйинидан сўнг инглиз клуби де Хеанинг қайтиши ҳақида ўйлаб қолган.

34 ёшли испанияликнинг "бинафшаранглилар" билан шартномасида футболчига нисбатан катта бўлмаган маблағ эвазига кетиш имкониятини берувчи банд бор. Манбага кўра, "қизил иблислар" де Хеанинг эҳтимолий трансфери бўйича вазиятни ўрганмоқда.

Де Хеа 2011 йилдан 2023 йилгача МЮ сафида барча мусобақаларда 545 та ўйинда майдонга тушиб, 590 та тўп ўтказиб юборган ва 190 та ўйинни "қуруқ" ўтказган.

Ҳавола :

Манба : The Sun

Янгиликларни Телеграмда ўқинг!

Рейтинг: +11