"Манчестер Сити" ярим ҳимоячиси "Саутгемптон"га қарши АПЛнинг 30-тур баҳсида Эрлинг Холандга голли пас берди.
Де Брюйне Премьер-лигада 100та ассистга энг тез эришган футболчига айланди. Бунинг учун унга 237та баҳс керак бўлди. Аввалги рекорд Сеск Фабрегасга тегишли эди (293та ўйин).
АПЛда 100тадан ортиқ ассист амалга оширган футболчиларнинг сони 5 нафар: Райан Гиггз (162), Фабрегас (111), Уэйн Руни (103), Фрэнк Лэмпард (102) ва Де Брюйне.
