Даврон Файзиев: “Мағлубият учун барча айбни ўз бўйнимга оламан”

Биринчи ўйинда 1:1 натижа қайд этилганди. Ушбу баҳсдан сўнг  “Сўғдиёна”  бош мураббийи Даврон Файзиев матбуот анжуманига қатнашди.

- Қисқа қилиб айтганда яхшиямки бугун чемпионат доирасидаги ўйин эмас. Йигитларда бугун руҳий тушкунлик ва рақиб жамоага озроқ беҳурматсизлик сезилди.Бир ҳафта олдин Бухорода бўлган ўйин билан бугунги ўйинда ер билан осмондек фарқ бор. Ғалаба қозонилганда футболчилар ғалаба қозонади,мағлубиятда мураббий мағлубиятга учрайди. Ўйиндаги барча камчилик ва барчаси учун айбни ўз бўйнимга оламан. Демак мураббий етарлича жамоани баҳсга тайёрлай олмаган. Бундан фожеа ясаш керак эмас “Бухоро” жамоаси бугунги ўйинда биздан устунлигини кўрсатди. Олдимизда чемпионат доирасида уч та муҳим учрашув кутмоқда. Биз ушбу ўйинларга тайёргарлик кўрамиз ва очколар жамғариб ўз олдимизга қўйган мақсадга етамиз деб ўйлайман.

Ўйинда камсиликларимиз  талайгина. Дарвозабонимиз бугун шамоллагани учун ўйнолмади. Биз бугун Сарвар Каримовни қўйишга мажбур бўлдик. Позицияларда ҳам муаммолармиз бор. Дарвозада,ҳужумда. Химояда эса бизга химоячи керак бу ҳақида эса биринчи даврани якунлаб ўйлаб чиқамиз.

"Сўғдиёна" матбуот хизмати