Даврон Абдураҳмонов: "Финалда учта гол уриш ажойиб натижа"

Бу ҳақда хабар қилган эдик. Жамоанинг "Олмалиқ"қа қарши ўтказган финал ўйинида ҳар уччала голни рақиб дарвозасига Даврон Абдураҳмонов киритди. Шу ҳақда ўйинчининг фикрлари билан қизиқдик.

- Мураббий ўйинга қандай тактика танлаган эди?
- Кўпроқ прессингда ўйнашимизни уқтирган эди. "Олмалиқ"қа қарши ўйин жуда ҳам қийин бўлишини билардик. Ўйин қизиқарли тарзда ўтди дея оламан, рақибларимизда ҳам яхши имкониятлар бўлди. Аммо, омад бизга кулиб боқди.

- 3 та гол уриш ажойибдир...
- Албатта, учта тўп киритганимдан жуда ҳам хурсандман. Финал ўйинида 3та гол уриш бу ажойиб натижа. Шу ўринда жамоадошларимга миннатдорчилик билдираман.

- Айни пайтда жисмоний жиҳатдан мавсумга тайёрмисиз?
- Жисмоний томонлама нафақат мен. балки бутун жамоа мавсумга тайёр.

Даврон Абдураҳмонов ва дарвозабон Равшан Элибоев

Толибжон Қосимов суҳбатлашди