Даниэле Де Росси: “Фиорентина” мураббийлигини хурсандчилик билан қабул қилардим”

“Мен мураббийлик лицензияни қўлга киритишга яқин турибман, ўйлайманки, тез орада бу борадаги фаолиятимни ҳам бошлайман. Шу маънода олиб қарасак, “Фиорентина” катта клуб, мен хурсандчилик билан ушбу жамоада мураббийлик қилишни истаржим. А сериянинг исталган жамоаси мен учун, бу соҳадаги фаолиятим учун ўзига хос трамплин бўлишига шубҳам йўқ. Бундай мақсадни ҳар қандай мураббий ўз олдига қўйган бўларди”, дея Де Россининг сўзларидан иқтибос келтирмоқда Football Italia.

Де Росси “Рома” клуби тарбияланувчиси ҳисобланади. У 2002-2019 йилларда римликлар шарафини ҳимоя қилган. “Бўрилар” таркибида  у 616 та учрашув ўтказиб, 63 та гол уришга эришган. 2019 йилнинг ёзида Де Росси эркин агент сифатида “Бока Хуниорс”га кўчиб ўтганди. Жорий йил бошида у футболчилик фаолиятига якун ясади. Апрель ойида эса собиқ футболчи мураббийлик фаолиятини бошлашини маълум қилганди.