Coca Cola Суперлигаси. Бугун "Пахтакор" Бекободда чемпионликни расмийлаштириши мумкин, "Навбаҳор" Жиззахда ўйнайди

18:00 - “Металлург” – “Пахтакор”
Ҳакамлар: Равшан Абдивоҳидов, Фарҳод Усмонов, Зуфар Элибоев, Олим Тўйчибоев
Назоратчи: Бобур Ҳайдаров
Комиссар: Шохрух Саид

Бу мавсумда умуман мағлуб бўлмаган "Пахтакор" Бекободда "Металлург" меҳмони бўлади. Андрей Шипилов бошчилигидаги жамоа охирги икки турда "Навбаҳор" ва "Локомотив"га қарши майдонга тушиб, мағлуб бўлмади.

"Пахтакор" ва "Металлург" Ўзбекистон чемпионатида жами 45 марта тўқнаш келишган. 37та учрашувда "шерлар" зафар қучишган. Тўртта ўйинда дуранг қайд этилган ва 4 марта бекободликлар 3 очкони қўлга киритишган.

Биринчи даврада Тошкентда ўтган баҳсда "шерлар" 2:1 ҳисобида ғалаба қозонишганди. Ўшанда Драган Черан дублга эришган бўлса, бекободликлар сафида Исломбек Исоқжонов гол урганди.

Бу жамоалар ўртасидаги охирги ўзаро 7та ўйиннинг барчасида "Пахтакор" ғолиб бўлиб келмоқда. Сўнгги марта 2016 йил "Металлург" "Пахтакор"ни мағлуб этган. Агар "Пахтакор" бугун ғалаба қозонса расман муддатидан олдин чемпион бўлади.

Металлург Аббос Отахонов - 26', Зоҳид Абдуллаев - 77'

Суперлига. 20-тур 21/09/2019, 18:00 2 : 1 Тугади

Пахтакор Достонбек Ҳамдамов - 78'

45'

90'

26'  Аббос Отахонов

28'  Станислав Андреев

46'  Баҳром Абдураҳимов (Шаҳзодбек Ғофурбеков)

76'  Дониёр Усмонов (Зоҳид Абдуллаев)

77'  Зоҳид Абдуллаев

37'  Бобур Асқаров

42'  Фаррух Сайфиев

62'  Марат Бикмаев (Ҳусниддин Ғофуров)

74'  Драган Черан (Игорь Сергеев)

78'  Достонбек Ҳамдамов

78'  Хожиакбар Алижонов

Матч-центрда очиш

18:00 - “Сўғдиёна” – “Навбаҳор”
Ҳакамлар: Вадим Агишев, Руслан Серазетдинов, Александр Сидоров, Раҳимбек Каримов
Назоратчи: Олег Дачев
Комиссар: Жаҳонгир Раҳматуллаев

Иккинчи даврада умуман мағлуб бўлмай келаётган "Сўғдиёна" ўз майдонида икки турдан буён фақат мағлубият аламини тотиб кўраётган "Навбаҳор"ни қабул қилади.

Жиззах клубининг мағлубиятсиз серияси 6та ўйинга етди (4 ғалаба ва 2 дуранг). "Лочинлар" эса 218 дақиқадан буён рақиблар дарвозасига йўл топа олишмаяпти. "Сўғдиёна"нинг "қуруқ серия"си эса 200 дақиқага етди. "Навбаҳор" охирги 6та ўйинда атига битта гол урди холос.

Ўзбекистон чемпионати доирасида бу икки жамоа жами 47 марта тўқнаш келишган. 24та учрашувда "лочинлар" зафар қучишган. 6 марта дуранг кузатилган ва 17та баҳсда жиззахликлар устун келишган. Эътиборлиси мана шу 17та ғалабанинг ҳаммаси Жиззахда қайд этилган экан.

Биринчи даврада Наманганда кечган ўзаро тўқнашувда "Навбаҳор" 3:1 ҳисобида ғолиб чиққан. Ўшанда Славко Лукич ҳисобни очган Александр Касьян дублга эришганди. Иккинчи таймда "Сўғдиёна" сафида Санжар Рашидов ҳисобни қисқартирган эди.

Сўғдиёна

Суперлига. 20-тур 21/09/2019, 18:00 0 : 0 Тугади

Навбаҳор

45'

90'

50'  Элёр Орипов

66'  Сардор Қулматов

74'  Жасур Ҳасанов О (Жамшид Болтабоев)

51'  Жаҳонгир Меҳмонов

60'  Иван Соловьёв

87'  Иван Соловьёв

Матч-центрда очиш