Coca Cola Суперлига. Бугун "темирйўлчилар" "лочинлар"га қарши, "аждарлар" эса "бургутлар" меҳмони

Coca Cola Суперлига. 15-тур
15 сентябрь, сешанба
18:30 - ЛОКОМОТИВ – НАВБАҲОР
Ҳакамлар: Зокир Қодиров, Хусниддин Шодмонов, Руслан Самандаров, Алишер Тўхтасинов
Назоратчи: Бахтиёр Намозов
Комиссар: Сардор Қудратуллаев

Бу клублар ҳозирга қадар Ўзбекистон чемпионатида 33 бор тўқнаш келишган. 19 марта "Локомотив" ғолиб бўлган, 9та учрашувда "Навбаҳор"нинг қўли баланд келган, қолган 5та ўйинда дуранг қайд этилган. "Темирйўлчилар" ўзаро ўйинларда 56та гол уриб 41та гол ўтказиб юборишган.

Биринчи даврада Наманганда ўтган баҳсда "лочинлар" 2:0 ҳисобида ғалаба қозонишган эди.

"Локомотив" майдонида ўтган ўзаро 16та ўйиннинг фақат биттасида (2010 йил) "Навбаҳор" 3 очкога эга чиққан. "Темирйўлчилар" ўз уйларида 9та ўйиндан буён бу жамоани фақат мағлуб этиб келишмоқда.

16:30 - АНДИЖОН – НАСАФ
Ҳакамлар: Акобирхўжа Шукуруллаев, Алишер Усмонов, Санжар, Ахмад Эргашев
Назоратчи: Игорь Нехочин
Комиссар: Зоҳир Акрамхонов

Ушбу жамоалар бугунга қадар 39 марта ўзаро ўйин ўтказишган. "Аждарлар" 25 марта, "бургутлар" 6 марта зафар қучишган. Яна 8та ўйинда дуранг кузатилган. "Насаф" ўзаро ўйинларда 90та гол урган ва 47та гол ўтказган.

"Андижон" ўз майдонида ўтган олдинги икки учрашувда "Насаф"га ютқазмаган - 1 ғалаба ва 1 дуранг.

Биринчи даврада Қаршида кечган баҳсда дастлаб "Андижон" ҳисобни очганига қарамай якунда мезбонлар 2:1 ҳисобида ғалаба қозонишганди.

2011 йилдан буён "бургутлар" ўз майдонида "Насаф"ни фақат бир марта (2019 йил) мағлуб этишган.