Coca Cola Суперлига. Бугун "Сўғдиёна" Зоминда "Машъал"ни, "Бухоро" Муборакда "Қўқон-1912"ни қабул қилади
11 сен 2020 09:19
Янгиликлар

Coca Cola Суперлига. Бугун "Сўғдиёна" Зоминда "Машъал"ни, "Бухоро" Муборакда "Қўқон-1912"ни қабул қилади

Бугун Суперлиганинг 14-туридан ўрин олган навбатдаги икки учрашув бўлиб ўтади.

Coca Cola Суперлига. 14-тур
СЎҒДИЁНА – МАШЪАЛ
11 сентябрь 2020 йил. Зомин. "Зомин" стадиони. 17:00
Ҳакамлар: Аҳрол Рисқуллаев, Ришат Нугманов, Дониёр Сайлавов, Алишер Тўхтасинов
Назоратчи: Ноил Лутфуллин
Комиссар: Бекзод Арипов

Жиззахдаги стадионда тест синовлари ўтказилаётгани боис бугунги баҳс Зоминда бўлиб ўтади.

Суперлигада охирги 5та турда фақат бир марта ютқазган "Машъал" сўнгги 5та турда фақат бир марта ғалаба қозонган "Сўғдиёна" меҳмони бўлади.

Бу клублар ҳозирга қадар Ўзбекистон чемпионати доирасида 27 марта ўзаро ўйин ўтказишган. 12 марта Муборак, 7 марта Жиззах клуби ғолиб бўлган. 8 та ўйинда дуранг қайд этилган. "Машъал" 37та гол уриб, 26та гол ўтказган.

"Сўғдиёна" майдонида ўтган баҳсларда "Машъал" сўнгги бор 2011 йилда ғалабага эришган экан.

Сўғдиёна

Суперлига. 14-тур

11/09/2020, 17:00

Тугади

Машъал

Сирожиддин Қўзиев - 74'

45'

90'

Матч-центрда очиш

БУХОРО – ҚЎҚОН-1912
11 сентябрь 2020 йил. Муборак. "Баҳром Вафоев номидаги" стадион. 18:00
Ҳакамлар: Фирдавс Норсафаров, Жалғасбай Сарсенов, Дамир Искандеров, Достон Раҳмонов
Назоратчи: Ғайрат Каримов
Комиссар: Шоҳруҳ Саид

Сўнгги 3та турда 3 марта ғалабага эришган "Қўқон-1912" бу сафар аутсайдерлар қаторидан чиқиб кетишга уринаётган "Бухоро" меҳмони бўлади.

Бухородаги стадион тайёр бўлмагани боис мазкур учрашув Муборакдаги стадионда бўлиб ўтади.

Бу жамоалар бугунга қадар ўзаро 29 марта тўқнаш келишган. 15 марта бухороликлар, 11 марта қўқонликлар зафар қучишган. 3 бор дуранг кузатилган.

Бу ўйинларда "Бухоро" 53та тўп киритган ва 41та гол ўтказиб юборган.

Бухоро

Жасур Ҳакимов - 52', Жасур Ҳакимов - 90'

Суперлига. 14-тур

11/09/2020, 18:00

Тугади

Қўқон-1912

Александр Мерзляков - 59', Сардор Азимов - 87'

45'

90'