Чемпионлар лигаси иштирокчилари учун 2 миллиард евро ажратилади

Унга кўра, умумий ҳисобда 3,5 миллиард евро турнирларга ажратилади. Уларнинг 465 миллиони Европа лигаси, 235 миллиони Конференциялар лигаси қатнашчиларига берилади. 

Энг катта пулларни одатдагидек Чемпионлар лигаси иштирокчилари олишади. Умумий ҳисобда - 2,032 миллиард евро. Саралашнинг сўнгги плей-офф босқичи иштирокчилари 5 миллиондан, гуруҳ босқичи қатнашчилари эса 15,64 миллион евродан пул оладилар. Гуруҳ босқичидаги ҳар бир ғалаба учун 2,8 миллион, дуранг учун эса 930 минг евро берилади. 

Шунингдек: 

1/8 га чиқиш: 9,6 миллион евро

1/4 га чиқиш: 10,6 миллион евро

1/2 га чиқиш: 12,5 миллион евро

Финалчи: 15,5 миллион евро

Ғолиб эса шу пулларга қўшимча равишда яна 4,5 миллион еврога эга бўлади. 

Шунингдек, УЕФА суперкубоги иштирокчиларига 3,5 миллион евродан берилади. Ушбу баҳс ғолиби эса қўшимча 1 миллион еврога эга бўлади.