"Челси" юлдузига айланган МЮ мухлиси!

"Мен Коул Палмернинг оиласини жуда яхши биламан, унинг отаси ва амакиси билан танишман. Ишонасизми, биз Коул Палмерни 16 ёшида ўзимизга жалб қилишга жуда яқин эдик. У иккиланаётганди ва мен унинг "Юнайтед"нинг ашаддий мухлиси эканлигини билардим.

У кетиши мумкин бўлган ёшда, яъни 16 ёшда эди, шундай эмасми? Улар "Манчестер Сити" бўйича ҳам иккиланиб қолган.

Менимча, охир-оқибат "Манчестер Сити" унга етарлича яхши таклиф берган.

Аммо аслида у ҳар доим "Манчестер Юнайтед" фанати бўлган ва ҳар қандай ҳолатда ҳам биз яқин эдик, ўзаро суҳбатимиз ҳали ҳам эсимда", – деди Литтл The Athletic’нинг "Talk of the Devils" подкастида.

Натижада Палмер 2023 йилнинг ёзигача "Манчестер Сити" ўйнаб, 21 ёшида "Челси"га ўтган.

Ўшандан буён у Премьер-лигада ёрқин футболчилардан бирига айланди. Сал кам икки мавсум ичида жами 39 та гол урди, шундан 36 таси Премьер-лигага тўғри келади.