

ПСЖ ҳужумчиси Неймарга "Челси" клуби қизиқиш билдирмоқда. Бразилиялик ҳужумчи фаолиятини АПЛда давом эттиришга қарши эмас. Лондон клуби футболчини 2023 йилда сотиб олишни режалаштирмоқда.
Парижликлар ўтган ёзда "аристократлар"га Неймарни ижарага олишни таклиф қилган. Бироқ ўшанда томонлар футболчининг маоши борасида келиша олишмаган. Эндиликда "Челси" 30 ёшли тўп тепарнинг 40 миллион евро миқдоридаги маошини тўлиқ қоплашга тайёр.


