"Челси" ҳужумчиси раҳбариятга ўзининг истагини маълум қилди

"Деярли 33 ёшдаман. Жисмоний ҳолатим яхши ва мен бу борада жамоада энг яхшиларидан бириман деб ўйлайман. Асосийси, ғолиблик ҳиссини сақлаб қолиш,бироқ кўпроқ ўйин амалиётига эга бўлишни истайман. Олдинроқ айтганимдек, жамоада иккинчи бўлиш менга ёқмайди.

"Челси"да қолишни истайман. Раҳбарият менга бир йиллик шартнома таклиф қилмоқда. Бу ерда эканлигимдан хурсандман. Бироқ мен кўпроқ ўйнамоқчиман", - деди Жиру.

Француз бу мавсумда жамоаси таркибида 41 ўйинда 12 гол урди ва 8 голга ассистентлик қилди.