“Aristokratlar” ustozi Frenk Lempard va himoyachi Markos Alonso o'rtasida nizo yuzaga kelgan. APL 3-turi doirasida o'tgan “Vest Bromvich”ga qarshi uchrashuvning tanaffusi vaqtida Alonso zaxiraga olindi va u o'yin tugashini kutmasdan jamoa avtobusiga borib o'tirgan. Uning bu harakati Lempardning jahlini chiqargan.
Eslatib o'tamiz, “Vest Brom”ga qarshi bahsning 1-bo'limida “Chelsi” 0:3 hisobida imkoniyatni boy berayotgan edi. Ammo Frenk Lempard shogirdlari keyingi taymda muvozanatni o'nglab, natijani 3:3 ko'rinishga keltirishdi.
Qayd etilishicha, endi Alonso muntazam o'yin amaliyotidan ayrilish ehtimoli mavjud.
