"Челси" Доннарумма трансферига қизиқмоқда
22 июл 2025 18:20
Янгиликлар

"Челси" Доннарумма трансферига қизиқмоқда

Лондоннинг "Челси" клуби ПСЖ дарвозабони Жанлуижи Доннаруммани сотиб олмоқчи ва дарвозабоннинг француз клуби билан музокараларини кузатиб бормоқда.

Бу ҳақда "RMC Sport" хабар берди.

Манбага кўра, Европанинг бир қанча топ-клублари Доннаруммани қўлга киритишни истамоқда, бироқ трансферга энг катта қизиқишни "Челси" кўрсатмоқда.

26 ёшли италияликнинг ПСЖ билан амалдаги шартномаси 2026 йилнинг ёзига қадар мўлжалланган. Сўнгги ойларда битимни узайтириш бўйича музокаралар давом этмоқда. Доннарумма Париж клубида қолмоқчи, бироқ томонлар молиявий шартлар бўйича келиша олмаяпти.

Олдинроқ инсайдер Николо Скира ПСЖ Доннаруммага маошини қисқартириш билан амалдаги шартномани узайтиришни таклиф қилаётгани ҳақида хабар берган эди.

Ҳавола :

Манба : RMC Sport

Янгиликларни Телеграмда ўқинг!

Рейтинг: +3