Аргентиналик голкипер АПЛ 7-туридан ўрин олган "Эвертон"га қарши ўйинда (2:0) тўп учун курашда "ирисчилар" ўйинчиси билан тўқнашиб кетиб, жароҳат олган эди. Тўқнашувдан сўнг майдонга шифокорлар чиқиб, аргентиналикка ёрдам кўрсатишди ва унга кислород ниқобини кийдиришди. Мартинес майдонни замбилда тарк этди.
Журналист Гастон Эдул ўзининг Х ижтимоий тармоғидаги саҳифасида хабар беришича, Мартинес шифохонада, у ўз ҳушида. Бош қисмининг компьютер томографияси, шунингдек орқа ва бўйин аъзоларини текшириш натижалари ҳеч қандай оғир аномалияларни аниқламади. дарвозабонга жағ сўягининг синши ташхиси қўйилган — айнан шу сабабли у шифохонада қолдирилган.
Қайд этилишича, Мартинесга операция керак бўлади.
