" Цементчи " - "Норин". Превью

Эртага барча биринчи лига вакиллари ўзларининг иккинчи даврадаги дастлабки турини ўтказади.  Жамоамиз  "Цементчи" эса ушбу тур доирасида Хаққулободнинг  “Норин” жамоасини қабул қилади.

Ушбу жамоа билан биринчи даврада учрашиб улар хақида маълумот бериб ўтганимизга хали ҳеч қанча вақт бўлмаган бўлсада бўлажак рақибларимиз хақида яна бир бор ёдингизга солиб ўтишга қарор қилдик.

“Норин”  жамоаси 2015 йилда ташкил этилган бўлиб, 1-лига баҳсларида 2016 йилдан иштирок этиб келмоқда. Биринчи давра учрашувларида хаққулободликлар муносиб иштирок этиб мусобақани кучли 6-поғонада якунлади. Давралар оралиғида эса бош мураббий Вали Келдиев жамоани янада кучайтириб олишга эришди дейиш мумкин. Давралар оралиғидан унумли фойдаланган рақибларимиз Фарғонанинг “Истиқлол” ярим химоячиси Жамшид Хошимов,  ва жамоамиз сафида тўп тепган футболчи Шохжаҳон Аббосов ва ёш ярим химоячи Файзулло Жуманқўзиевлар иккинчи даврадан “Норин” жамоаси таркибида тўп тепадиган бўлди. Таъкидлаш жоизки Шохжаҳон Аббосов 17-турда Хаққулободда ўтган учрашувда жамоамиз “Цементчи” таркибида майдонга тушиб “Норин” дарвозасига тўп киритган эди. Якунда учрашув эса 2:2 ҳисобидаги дурранг билан якунланган.

“Норин” ва “Цементчи” жамоалари ўзаро расмий учрашувларда 4 маротаба тўқнаш келишган.

2016 йил Ўзбекистон биринчилиги

 11-тур. 22-май (жума)

«Цементчи»  (Қувасой) - «Норин» (Хаққулобод) 2:0

Голлар: Раҳматулла Мелибоев (27), Сардор Сотиволдиев (52),

2016 йил Ўзбекистон биринчилиги

26-тур. 15 сентябрь (шанба)

«Норин» (Хаққулобод) - «Цементчи» (Қувасой) 1:0

Гол: Даврон Маматов (85 автогол),

2017 йил Фаргона вилояти хокими кубоги "А" гурухи

 1-тур учрашуви. 27-январь (жума)

«Цементчи»  (Қувасой) - «Норин» (Хаккулобод) 0:1

Гол: Умарбек Тухтасинов (27),

2017 йил Ўзбекистон биринчилиги

17-тур. 23 июнь  (жума)

«Норин» (Хаққулобод) - «Цементчи» (Қувасой) 2%2

Голлар: Боходир Муртазоев 22, 51, Шохжаҳон Аббосов 72, Абдул Азиз Юсупов 87 

Жамоалар ўртасидаги навбатдаги учрашув эртага 10 август пайшанба куни Қувасойдаги марказий “Цементчи”  ўйингоҳида бўлиб ўтади.  Учрашув соат 17:00 да бошланади!

Барча мухлисларни ушбу қизиқарли баҳсга таклиф этамиз!

"Цементчи" жамоаси матбуот котиби Зухриддин Абдуллажонов таёрлади.