"Цементчи” жамоасидан мухлислар кутган янгилик!

Футболчилар кеча Қувасойнинг адирли ҳудудида 10 км масофага кросс югурган бўлсалар, бугундан икки маҳаллик машғулотларга ўтилди. Эрталаб футболчилар тренажор залида шуғулланган бўлса, тушликдан сўнг  тўплар билан машғулот ўтказилди.
 
Жамоамиз аъзоларидан Жамшид Қобулов ва Баходир Қодиров "Нефтчи" ёшлар жамоаси таркибида кўрикдан ўтаётган бўлса, Абдулла Абдуллаев жамоа билан тузилган шартнома якунлани сабабли клубни тарк этган. Қолган жамоа аъзолари машғулотларда иштирок этишмокда.

Ўз навбатида жамоага янги футболчилар келиб қўшилмокда.

Бугун жамоа йиғинига барча мухлисларимиз кутган ва ўзининг ажойиб ўйинлари билан барчага яхши таниш бўлган, олий лига аъзоси "Қизилқум" жамоасидан маҳоратли ҳужумчи Элёрбек Акбаров ва ўзининг ажойиб дриблинглари билан Қувасойлик мухлисларда катта таъссуротлар колдирган, яна бир олий лига вакили "Обод" жамоасида ўтган мавсумда барча учрашувларда деярли асосий таркибда ҳаракат қилган ярим химоячи Умиджон Матмусаевлар келиб қўшилдилар!  

Ундан ташқари "Олмалиқ" жамоасидан химоячи Иброҳимов Амирхон, 2-лига вакили "Фидокор" жамоасидан ярим ҳимоячи Турсуналиев Равшан ҳамда маҳаллий футболчилардан Жунайдуллаев Шожамшид жамоа машғулотларида иштирок этмокдалар.

"Цементчи” жамоаси матбуот котиби Зухриддин Абдуллажонов.