"CA" Наманганда, стадиондан эксклюзив галерея

Стадионни қайта таъмирлаш ишлари ҳамда майдонга янги майса экилганидан сўнг илк бор ўз уйида ўйнаётган "Навбаҳор"  жамоаси иштирокидаги баҳсни кузатиш учун ЎФА раҳбарияти, хусусан ассосциация Биринчи вице-президенти Умид Аҳмаджонов ташриф буюрган.

Айни пайтда ўйинга тарйёргарлик ишлари жуда фаол кетмоқда. Жорий мавсум ҳисобидан мазкур ўйин Намангандаги илк учрашув, яъни очилиш баҳси бўлгани учун маҳаллий ишқибозларга байрам дастури ҳавола этилмоқда.

Очилиш маросимига наманганлик машҳур санъаткорлар ҳамда "Браво" гуруҳи аъзолари ўйинолди мухлисларга байрамона дастур қўйиб бериши кутилмоқда.

Қайд этиш керакки, майдон чими янгиланган ва сифати анча яхши ҳолатда. Ушбу янги майдонда бугун илк бор футбол учрашуви ўтказилади.

Айни дамда "Навбаҳор" - "Сўғдиёна" жамоалари иштирокидаги ўйинни ёритиш мақсадида Наманган шаҳрида бўлиб турган ходимларимиз, фотограф Жаҳонгир Файзуллаев ва журналист Шаҳбоз Беғамов маълумотларни етказишмоқда.