"Бухоро"нинг қарзи 6 млрд, "Сурхон" ва "Сўғдиёна"га ҳомий, "Бунёдкор" академиясини ўз уйидан чиқариб юбориш тўғрисида...
24 янв 2019 17:30
Янгиликлар

"Бухоро"нинг қарзи 6 млрд, "Сурхон" ва "Сўғдиёна"га ҳомий, "Бунёдкор" академиясини ўз уйидан чиқариб юбориш тўғрисида...

Бугун таҳририятимизга бир хат келиб тушди. Унга кўра 17 январь куни ЎФА Вазирлар Маҳкамасига қуйидаги талаблар илгари сурилган лойиҳани тақдим этган ва кун тартибидан қуйидаги ишлар жой олган:

Ундаги муҳим томонларни кўрсатиб ўтамиз. 5-бандда барча вилоят академияларини қайта реконструкуциядан ўтказиш лозимлигини қайд этилган. "Бухоро" клубининг қарзига оид 6-бандда эса "Ўзбекнефтегаз", "Ўзнефтмахсулот" ва Бухоро нефтни қайта ишлаш заводи клубнинг 6 млрд сўмдан иборат қарзини ёпиб бериш топшириғини олади. Кейинги қаторда "Сурхон" мавзуси кўтарилган ва "Ўзбекгидроэнерго" ва "Навоий КМК" клубнинг ҳомийлари этиб белгиланиши ҳақида гап борган. Албатта Сурхондарё вилоятига футболни кириб келиши катта ютуқ.

Яна, 8-бандда "Асака банк", "Ўзбекистон темир йўллари", "Ўзбекистон ҳаво йўллари" эса "Қўқон-1912" клубини молиялаштирилиши тўғрисида сўз борган. Кейинги бандда "Сўғдиёна" клуби ҳомийлари кўрсатилганлигини суратда кўришингиз мумкин. Агар бу клублар муқим ҳомийга эга бўлсалар, Суперлигага интрига олиб кира олишлари аниқ.

Афсуски 10-банд кишини хурсанд қилмади. Унда ҳали борадиган жойи йўқ бўлган "Бунёдкор" академиясини 10 кун ичида бўшатиб, Республика академиясига топшириш қайд этилган. Ҳали Республика академиясининг меваси қачон ҳосил беради, билмаймиз. Аммо тап-тайёр дараҳтни кесиб ташлаш тўғрисидаги жумла ўзбек футболининг зарарига ишлаши аниқ.

11-банд эса қувонарли, агар ўхшаса. Унда МТРК ўз базасини 2та замонавий КТС билан бойитиши кераклиги айтилган. КТС ўз навбатида VAR тизимини ҳам ўзига мужассамлаштириши керак экан.