"Бухоро" ФК ўз мухлислари билан учрашди

Клуб қароргоҳида ташкиллаштирилган йиғилишда жамоа мураббийлари ва футболчилари мухлислар билан мулоқот қилишди. Анча позитив руҳда кечган суҳбат чоғида мухлислар ўзлари қизиқтирган саволларга жавоб олишди. Хусусан, жамоанинг иккинчи даврада янада ижобий натижаларга эришиши учун бугундан ишлар олиб борилмоқдами, таркибни кучайтириш ва жамоага янги футболчиларни таклиф қилиш масаласи кўриб чиқилмоқдами ёки йўқми деган саволларга жавоб олишди.

Юқоридаги саволларга бош мураббий Улуғбек Бақоев жавоб берар экан, у қуйидагича фикр билдирди: “Албатта иккинчи даврада ҳам муносиб иштирок этишни мақсад қилганмиз. Биринчи даврадаги натижаларга қараб, иккинчи давра учун селекция ишлари олиб борилади”-деб айтди Бақоев.

Бир соатча давом этган мулоқот сўнгида “Бухоро” футболчилари ва мухлислар эртага бокс бўйича Осиё чемпионатининг ярим финал раундида иштирок этувчи ўзбек боксчиларига омад тилашди ва видеомурожаат юборишди.