“Бунёдкор” ўйинолди расмий машғулотини ўтказди

“Қалдирғочлар”нинг машғулоти маҳаллий вақт билан 17:30 (Тошкентда 18:00 бўлади)да бошланди. Миржалол Қосимов бир соатга яқин давом этган тайёргарлик давомида Эронга ташриф буюрган 18 нафар футболчи билан машғулот ўтказди.

Таъкидлаш жоизки, “Ғадир” стадиони ўз бағрига 51.000 мухлисни сиғдира олади ва унинг ҳозирги ҳолати юқори баҳога лойиқ.

Эслатиб ўтамиз, Осиё Чемпионлар лигаси 4-тури доирасидаги “Фулад” – “Бунёдкор” учрашуви 1 апрель куни маҳаллий вақт билан соат 17:30 (Тошкентда 18:00 бўлади)да бошланади.