"Бунёдкор" Анталияда 7та назорат учрашуви ўтказади. Рақиблар орасида "Арсенал" ҳам бор

Кунига бир маҳалдан ўтказилаётган машғулотлар 17 январдан бошлаб Туркиянинг Анталия шаҳрида давом эттирилади. “Қалдирғочларимиз” 16 январдан 17 январга ўтар кечаси сафарга йўл олади. Анталиядаги йиғин 13 февралга қадар давом этади. Албатта хориж йиғин доирасида ўртоқлик учрашувлари ўтказилади ва рақибларимиз ҳам маълум. 

Демак, “Бунёдкор” 13 февраль куни якунига етадиган йиғин доирасида “FC Szombathelyi Haladás” (Венгрия), “FC Dobrudzha Dobrich” (Болгария), “FC LNZ Cherkasy” (Украина), “FC Sloga” (Босния ва Герцеговина), “FC Arsenal” (Россия), “FC Rotor” (Россия), “FC Auda” (Латвия) жамоаларига қарши синов-назорат ўйинида майдонга тушади.