“Бунёдкор” – “Ал Жаиш” ўйинига боғлиқ фактлар

Ўйинга бўлган эътибор катта. Қуйида мазкур беллашув билан боғлиқ баъзи фактларни келтириб ўтамиз.

-   “Бунёдкор” ва “Ал Жаиш” ОЧЛда бир-бирига қарши биринчи марта тўқнаш келяпти.

-   “Бунёдкор” ОЧЛда кетма-кет 7-марта иштирок этмоқда, “Ал Жаиш” эса иккинчи бор.

-   “Бунёдкор” шу пайтгача ҳали Қатар клубларига қарши баҳс олиб бормаган. Буниси биринчи марта.
 
-   “Бунёдкор” ўз майдонидаги охирги беш (!) ўйиндан бери ғалаба қозона олмаяпти. Жамоа охирги бор “Жар”да 2012 йилги ОЧЛнинг чорак финалида “Аделаида” устидан 3:2 ҳисобида зафар қучган.
 
-   Аввалги ўйинда “Бунёдкор”дан Дилшод Жўраев, Сардор Собирхўжаев ва Воҳид Шодиев сариқ карточка олишди.

-   “Ал Жаиш” ОЧЛда қатнашишни бошлаганидан бери Ўзбекистонга илк марта келяпти. Бу жамоа плей-офф босқичида “Насаф”ни 5:1 ҳисобида мағлуб этиб, мусобақадан чиқариб юборди.

-   “Ал Жаиш” бу йил ҳисобидан биринчи бор сафарда тўп суради. Чунки бунгача бўлиб ўтган учта ўйинни ҳам ўз майдонида ўтказди: “Насаф”, “Ал Қодисия” ва “Фулад”га қарши.