“Бунёдкор-А” финалда!

Унда “Бунёдкор-А” Чилонзор стадионида “Локомотив” билан финал йўлланмаси учун беллашди.

Учрашувда устунлик “Бунёдкор-А” томонида бўлсада, ўз дарвозасидан биринчи бўлиб тўп ўтказиб юборди. Аммо жамоамиз ирода кўрсатиб биринчи бўлимнинг ўзидаёқ мувозанатни тиклади – 1:1. Танаффусдан кейин томонлар гол ура олишмади ва ғолиб пеналтилар сериасида аниқланди.

“Лоторея”да томонлар дарвозаларга 14тадан зарбалар беришди. 11 метрлик зарбаларда “омадли чипта” бунёдкорчиларга насиб этди – 6:5. Шу тариқа, “Бунёдкор-А” финал йўлланмасини қўлга киритди.

“Чилонзор” стадиони. 10:00. "Бунёдкор-А” – “Локомотив” 1:1 (1:1)
Бунёдкорчилардан гол муаллифи: Константин Усов

Эслатиб ўтамиз, футбол клублари тарбияланувчилари ўртасида Тошкент шаҳар биринчилиги доирасида ҳам ушбу икки жамоа ўзаро куч синашишган ва унда “Бунёдкор-А” рақибини 3:0 ҳисобида мағлубиятга учратган эди.

Иккинчи ярим финалда “Пахтакор” рақиби “Насаф”дан устун келди.

Финал ва 3-ўрин учун учрашувлар 25 сентябрь куни ЎФФ суъний қопламали майдонида бўлиб ўтади.

3-ўрин учун баҳс. 10:00. “Насаф” – “Локомотив”
Финал. 11:00. “Бунёдкор-А” – “Пахтакор”