Бундеслигадан чиқиб кетган “Шальке” футболчиларига клуб мухлислари ҳужум қилди
21 апр 2021 20:15
Янгиликлар

Бундеслигадан чиқиб кетган “Шальке” футболчиларига клуб мухлислари ҳужум қилди

Германия чемпионати 30-турида "Арминия" (0:1)га енгилгандан кейин "Шальке" муддатидан олдин мусобақани тарк этди.

Мазкур ўйиндан кейин жамоанинг юзлаб мухлислари уй стадиони яқинига йиғилди. “Шальке” автобуси у ерга келиб тўхтагандан кейин ишқибозлар футболчиларга ҳужум қилди. Ўйинчиларнинг кўпчилиги қочишига тўғри келди.

“Чоршанба куни эрта тонгда Билефельддан қайтгач, футболчилар ва айрим мухлислар гуруҳи ўртасида қисқа мулоқот бўлди. Суҳбат давомида номаълум шахслар белгиланган чегарани кесиб ўтишди. Буни қабул қилиб бўлмайди.
Бундеслига-2'га тушиб кетганимиздан кейин тушкунлик ва хафагарчиликка қарамай, клуб ҳеч қачон футболчилар ва ходимларимизга бўладиган жисмоний таҳдидга йўл қўймайди. Кечаги тўқнашувда айнан шу нарса юз берди.
Клуб мазкур хатти-ҳаракатни қатъиян қоралайди ва ходимларимизни қўллаб-қувватлайди. Ҳодиса юзасидан тергов олиб борилмоқда”, дейилади клуб баёнотида.

Гельзенкирхенликлар 1988 йилдан бери илк бор Бундеслигадан қуйи дивизионга тушиб кетди.

De spelers van Schalke 04 moesten gisteren na de nederlaag vluchten voor een grote groep boze supporters die teleurgesteld waren over de degradatie. pic.twitter.com/1CNBZALfS4
— Voetbal Ultras (@VoetbalUltras) April 21, 2021