Бугунги тадбир. Эрматов жамоаси Хиросима-1994 қаҳрамонларини мағлуб этди

2006 йилда таваллуд топган болалар ўртасидаги турнир финалидан сўнг майдонга Азамат Абдураимов бошчилигидаги Хиросима-1994 қаҳрамонлари ҳамда Равшан Эрматов жамоаси чиқиб келди. Осиёнинг беш карра энг яхши ҳаками жамоаси таркибида футбол ҳакамлари, журналистлар, шоу-бизнес вакиллари ва Маданият ва Спорт ишлари вазири Баҳодир Аҳмедовлар тўп тепишди. Хиросима-94 қаҳрамонлари таркибида эса 1994 йилги чемпионлар, Маданият ва Спорт ишлари вазирининг Спорт ишлари бўйича биринчи ўринбосари Мурод Алиев, шоу-бизнес вакиллари ва сайтимиз раҳбари Нодирхўжа Юлдашевлар тўп тепишди.

Қизиқарли курашларга бой ўтган беллашув 4:4 ҳисобида ўз якунига етди. Жамоалар ғолибни аниқлаш учун пенальтилар сериясига мурожаат қилишди. Унда Эрматов жамоаси 10:5 ҳисобида ғалаба қозонди.

Учрашувдан кейин энг яхшиларга махсус соврин ва эсдалик совғалари топширилди.

Ўртоқлик учрашуви
31.05.2016

А.Абдураимов ж.си - Р.Эрматов ж.си 4:4 (пен. 5:10)