Бугун U-23 Осиё чемпионатига қуръа ташлаш маросими бўлиб ўтади
12 сен 2015 10:44
Янгиликлар

Бугун U-23 Осиё чемпионатига қуръа ташлаш маросими бўлиб ўтади

Бугун Қатар пойтахти Доха шаҳрида 2016 йилда бўлиб ўтадаган U-23 ёшлар ўртасидаги ОЧ финал босқичига қуръа ташланади.

Қуръа ташлаш маросими Тошкент вақти билан соат 14:00да бошланади ва унда ОЧ финал босқичида ўйнайдиган барча мамлакат вакиллари қатнашади, - деб ёзилади ЎФФ расмий твиттерида.

Осиё чемпионатида Виктор Жалилов бошчилигидаги Ўзбекистон олимпия терма жамоаси қатнашади.

Қатардаги қитъа биринчилигида иштирок этувчи жамоалар рўйхати: Қатар, Австралия, Жанубий Корея, Сурия, КХДР, Хитой, Таиланд, Саудия Арабистони, Эрон, БАА, Яман, Вьетнам, Ироқ, Иордания, Ўзбекистон.

Бироқ Ўзбекистондан айнан ким ушбу қуръа ташлаш маросимида иштирок этиши хабар қилинмаган.