Бугун Тошкентдаги "International" меҳмонхонасида ОФК Ижроқўмининг йиғилиши бўлиб ўтади
26 сен 2018 11:01
Янгиликлар

Бугун Тошкентдаги "International" меҳмонхонасида ОФК Ижроқўмининг йиғилиши бўлиб ўтади

Теглар : ОФК ЎФА

Ўзбекистон футбол ассоциацияси 1-вице президенти Умид Аҳмаджонов ҳамда Осиё футбол конфедерацияси президенти Шайх Салмон бин Иброҳим ал Халифа Россиядаги Жаҳон чемпионати пайтидаги учрашувлари чоғида ОФК Ижроқўмининг навбатдаги йиғилишини Тошкентда ўтказиш учун келишиб олишган эди.

Шу муносабат билан 24-25 сентябрь кунлари ФИФА ҳамда ОФКнинг мартабали меҳмонлари, хусусан ОФК президенти Шайх Салмон бин Иброҳим ал Халифа ҳамда Бош котиб Дато Виндсор Жон бошчилигидаги делегация аъзолари пойтахтимизга ташриф буюришгани ҳақида хабар берган эдик.

Бугун пойтахтимиз ўзбек футболи тарихида биринчи маротаба бундай тадбирга мезбонлик қилмоқда. ОФК Ижроқўмининг навбатдаги йиғилиши айнан юртимизда ўтказилиши, ОФК ҳамда ЎФА ўртасидаги алоқалар мустаҳкамлиги йўлида навбатдаги қадам вазифасини ўтаб бериши шубҳасиз.

ОФК Ижроқўмининг йиғилиши Тошкент шаҳридаги "International" меҳмонхонасида бугун соат 15:00да бошланади.

Ҳавола :

Манба : ufa.uz

Янгиликларни Телеграмда ўқинг!

Рейтинг: +3