Bugun O'zbekiston U-17 terma jamoasi Malayziyaga qarshi ilk o'rtoqlik o'yinini o'tkazadi

Sherzod Nurmatov

6 iyun 2023, 11:58

Ayni paytda Malayziyada bo'lib turgan Jamoliddin Rahmatullaev shogirdlari bugun malayziyaliklar bilan birinchi nazorat bellashuvida qatnashadi.

O'rtoqlik uchrashuvi

Malayziya – O'zbekiston

Kuala Lumpur. "UITM Shah Alam" stadioni. 18:45

Jamoalar o'rtasidagi navbatdagi o'rtoqlik bellashuvi 8 iyunga belgilangan.

Avvalroq termaning Osiyo Kubogida ishtirok etadigan tarkibi e'lon qilingandi.

Eslatib o'tamiz, Tailand mezbonligidagi Osiyo chempionati 15 iyunda boshlanadi. O'zbekiston o'smirlar termasi musobaqa "D" guruhida Yaponiya, Hindiston va Vetnamga qarshi bahs olib boradi.