Бугун футбол. "Қўқон-1912" - "Қизилқум"
26 май 2018 15:37
Янгиликлар

Бугун футбол. "Қўқон-1912" - "Қизилқум"

Бугун Суперлигада 13-тур учрашувлари давом эттирилади. "Қўқон-1912" ўз майдонида "Қизилқум"ни қабул қилади.

Мусобақа жадвалида "Қўқон-1912" 15 очко жамғарган ҳолда 8-ўринни эгаллаб турибди. "Қизилқум" эса 10 очко билан 11-ўринда бормоқда.

Ўтган турни "Қизилқум" ажойиб ўтказди. Жамоа сал қолса Тошкентда "Локомотив"ни мағлуб этиши мумкин эди, аммо кутилмаганда ўтказиб юборилган гол меҳмонларни қимматли икки очкодан маҳрум этди.

"Қўқон-1912" жамоаси аввалги турда ўз майдонида ютқазиб қўйди. Ва бу қўқонликларнинг уйдаги илк мағлубияти бўлди. Умуман олганда, "Қўқон-1912" бунгача ўз майдонида бешта ўйинда майдонга тушиб, шундан иккитасида ғалаба қозонган ва икки бор дуранг қайд этган. Қўқонликлар уйда "Навбаҳор" ва "Бунёдкор"ни мағлуб этишган.

"Қизилқум" бугун сафарда 6-ўйинини ўтказади. Навоийликлар бунгача ўтказилган ўйинларнинг фақат биттасида ғолиб чиқишган. "Қизилқум" сафарда фақат "Сўғдиёна"ни мағлуб эта олган, холос.

Биласизми? "Қўқон-1912" охирги уч турдан бери ғалаба қозона олмаяпти. Худди шунингдек, "Қизилқум" ҳам охирги учта ўйинда ғалабага эриша олмади.

Ҳар иккала жамоа охирги уч очкосини ўз майдонида қўлга киритган. "Қўқон-1912" "Бунёдкор"ни 1:0 ҳисобида мағлуб этган бўлса, "Қизилқум" АГМКдан 3:0 ҳисобида устун келган.

Ҳавола :

Манба : championat.asia

Янгиликларни Телеграмда ўқинг!

Рейтинг: +2