Буффон ёшлигидан "Боруссия Менхенгладбах" мухлиси экан (қизиқ ҳикоя)

Бутун дунё Бундеслига мисолида футболнинг қайтишини кузатмоқда: ўзингизга немис клублари ичидан энг севимлисини танлаш учун қулай фурсат. Шошилинг, бўлмаса Ла Лига бошланиб, Бундеслига яна нечинчидир планга тушиб қолади. Мисол учун, Жанлуижжи Буффон бу борада чаққонроқ чиқди. Италиялик афсона бундан бир неча йил аввал Германияда Менхенгладбахнинг "Боруссия"сига бефарқ эмаслигини айтиб ўтган.

Масала Жижжи учун қадрдон оқ-қора йўл-йўл рангларда ҳам эмас, балки клубнинг айтиш учун мураккаб номидадир. 

"Мен ёшлигимдан "Боруссия" мухлисиман. Нега дейсизми? Шунчаки, мен ҳеч қачон бу клубнинг номини айта олмасдим. У доим эътиборимни тортган. Бугунги кунда клуб номини тўлиқ айта оламан, лекин қанчалик тўғри талаффуз қилаётганимни ҳамон билмайман", — тан олади Буффон.

Мана исбот – севимли немис клуби шарфи билан тушилган сурат.

2015 йил "Ювентус" ва "Боруссия" Чемпионлар Лигасида тўқнаш келди ва икки бор дуранг қайд этилди. Гладбахдаги ўйин 1:1, Буффон ўша куни чинакам қахрамон бўлган: 7та аниқ зарбадан бор йўғи 1тасини қайтара олмаган, кўплаб сейвлар амалга оширган ва муҳим паллаларда панд бермаган.

Учрашув якунлангач дарвозабон қўлқопларини мезбон жамоа мухлислари жойлашган трибунага отади: мақсад битта — "Боруссия" шарфини қўлга киритиш эди. 

Дурангдан ранжиган мухлислар эса Буффоннинг ушбу клубга бефарқ эмаслигини билишмасди. Қайд этиш лозим, "Боруссия" хатони жуда тез тўғрилайди ва Буффон "Гладбах" борасида интервью бериши биланоқ унга клубнинг махсус шарфини жўнатади.

Дарвоқе, шарфдаги ёзувлар ҳам ўзига хос – "Боруссия"нинг халқаро бренди. Эътиборлиси, у ҳам 2016 йил клуб ЕЧЛда қатнашиши натижасида пайдо бўлган. Учрашувларнинг бирида "Боруссия" "Селтик" меҳмони бўлган, Глазгодаги кафеларнинг бири клуб номини тўғри ёза олмай қийналади (бу иш, клуб номини тўғри айтишдан ҳам қийинроқ). Нима қилишни билмаган шотландлар оддий қилиб "Немис жамоаси" деб ёзиб қўйишади.

Гладбахликлар шундан сўнг ўзларининг инглиз тилида юритилувчи твиттер-аккаунтлари номини ўзгартиришади. Буффон каби клуб номини айта олмай қийналадиган ишқибозлар учун.

Эслатиб ўтамиз, кеча қайта бошланган Бундеслига доирасида "Боруссия Менхенгладбах" сафарда Франкфуртнинг "Айнтрахт" жамоасини мағлуб этди ва 3-ўринга кўтарилиб олди.

Айнтрахт Франкфурт Андре Сильва - 81'

Бундеслига . 26-тур 16/05/2020, 21:30 3 : 1 Тугади

Боруссия Мёнхенгладбах Алассан Пли - 1', Маркус Тюрам - 7', Рами Бенсебайни - 73'

Стадион: Commerzbank Arena, 0 томошабин

Бош ҳакам: Felix Zwayer

45'

90'

24'  Филип Костич

36'  Эван Н'Дичка

46'  Джибрил Соу (Андре Сильва)

59'  Андре Сильва

70'  Штефан Илзанкер

74'  Штефан Илзанкер (Тимоти Чендлер)

74'  Давид Абрахам (Макото Хасэбэ)

78'  Даичи Камада (Мият Гачинович)

81'  Андре Сильва

81'  Себастьян Роде

83'  Эван Н'Дичка (Доминик Кор)

89'  Доминик Кор

1'  Алассан Пли

1'  Йонас Хофманн

7'  Маркус Тюрам

7'  Рами Бенсебайни

9'  Нико Эльведи

66'  Маркус Тюрам (Патрик Херманн)

73'  Рами Бенсебайни

78'  Рами Бенсебайни (Оскар Вендт)

78'  Брель Эмболо (Ларс Штиндль)

90'  Алассан Пли (Тони Янчке)

90'  Флориан Нойхаус (Ласло Бенеш)

Матч-центрда очиш

Омонжон Тўхтамирзаев таржимаси