Бу турда ҳакамларга яна паст баҳо қўйилди

Турнинг марказий учрашуви Бухоро шаҳрида кечиб, бунда "Пахтакор" "Бухоро"ни 2:0 ҳисобида мағлубиятга учратди. Ўйинда Игорь Сергеев ва Тиаго Безерра томонидан киритилган голлар меҳмонларга навбатдаги уч очкони тақдим этди. 

Эътиборлиси, мана шу беллашувда ишлаган ҳакамларга назоратчи томонидан яна паст баҳо қўйилди. Ушбу баҳс "Спорт" телеканали орқали тўғридан-тўғри эфирга узатилди ва ўйинни кўрган мухлислар шу билан бирга ҳакамларни ҳам кузатишди. Ҳакамларнинг айниқса 33-дақиқада "Бухоро" дарвозаси томон пенальти белгилаши ҳамон кўплаб тортишувларга сабаб бўлмоқда.

Бу ўйинни сайтимиз ходими Шаҳбоз Беғамов ҳам бевосита стадионда туриб кузатиб борди ва тез орада ўйин тафсилотлари, баҳс давомида ва ундан кейин нима воқеалар юз бергани тўғрисида мақола ўқишингиз мумкин бўлади. 

Олий лига, 25-тур. 21 октябрь

“Бухоро” (Бухоро) – “Пахтакор” (Тошкент) - 0:2.  18138 томошабин. 

Ҳакамлар: Ш. Қосимов (Тошкент) - 7,0, Т. Галеев (Тошкент) - 6,0, А. Пўлатов (Тошкент) - 7,5, И. Ибрагимов (Нукус) - 8.

Назоратчи: Р. Серазетдинов (Тошкент).

ПФЛ вакили: Ш. Ражабов.

Голлар: Игорь Сергеев (34, пенальти), Тиаго Безерра (90+1)