"Бу фирибгарларнинг найрангими?" "Ноттингем Форест" захира дарвозабони Бразилия терма жамоасидан таклиф олгани ҳақида

Эслатиб ўтамиз, "Ман Сити"нинг эндиликда собиқ дарвозабони Эдерсон Мораес жароҳат туфайли 10 ва 14 октябрь саналаридаги ўйинларда иштирок этолмаслиги сабаб, Жон Виктор термага таклиф этилган. 

Қайд этиб ўтамиз, Карло Анчелотти шогирдлари Жанубий Корея (5:0) ва Японияга (2:3) қарши ўйинда майдонга тушди. "Ноттингем" посбони ҳар икки баҳсда терма жамоада ҳам захира ўриндиғида ўтирди.

"Мен учун бу уникал ва буткул ўзгача туйғулар эди. Мен клуб ўйинига кетаётганимда, автобусда бу хабарни билгандим. Ўша пайт карахт бўлиб қолдим ва кимдир хазиллашяпти, деб ўйладим. Менда (Сержиу) Димаснинг телефон рақами йўқ эди (Бразилия терма жамоаси раҳбари – таҳририят); у билан "Сантос"да бирга ишлаганмиз ва айнан у хат юборди. Улар мендан паспортимни сўрашди ва биринчи келган фикр: "Охо, бу нима, фирибгарларми?".

Билмайманку, ҳозир замон нотинч… аммо кейин у бу терма жамоага таклиф эканлиги ва зарур ҳужжатларни тайёрлаш учун кераклигини айтганида ўзимда йўқ хурсанд бўлдим. Буни Игор (Жесус) билан йўлдаёқ нишонлаб, "Ньюкасл" билан ўйинга кетдик. Бу чиндан ҳам унутилмас лаҳзалар эди".

Эслатиб ўтамиз, Виктор шу йилнинг ёзида инглиз клуби сафига кўчиб ўтди. Бунгача у Бразилиянинг "Ботафого" клуби шарафини ҳимоя қилиб келган ва АҚШда ўтган клублар ўртасидаги жаҳон чемпионатида ЕЧЛнинг амалдаги ғолиби ПСЖни 1:0 мағлубиятга учратишга муваффақ бўлганди.

Омонжон Тўхтамирзаев тайёрлади