Бруну Фернандеш: "Клубга барқарорлик керак"

"Клубга барқарорлик керак. Менимча сэр Жим Рэтклифф ҳам барчадан айнан шуни сўрамоқда.

Жамоадаги барча футболчилар айнан ушбу мураббий орқали клуб ўз даражасига қайтишига ишонмоқда.

Бу ерга келаётган исталган мураббий инқироздан бир ўйин узоқда бўлади. Бу клубда доим шундай бўлмоқда. Бир ўйинни ютсанг жамоа чемпионликка ўйнайдигандек, ютқазсанг осмонингда қора булут учмоқда.

Жамоадаги барча футболчилар клубнинг қандай масштабда эканлигини билади. Бундай ортиқача ғала-ғовурлар бизга керак эмас. Биз нима қилаётганимизни билишимиз ва узоқ муддатли лойиҳа орқали ғалабалар қозонишимиз керак. Бизда ҳар бир футболчида шундай мақсад бор. Лекин бу клубда мағлубиятдан кейин исталган мураббийни босим остига солишади. Бироқ у бунга яхши тайёрланган ва бу чақирув қанчалар жиддий эканлигини яхши билади", - деди Бруну.